Башҡортостанда кисә төндә юл фажиғәһендә ҡырағай йәнлек һәләк булған. «Башинформ»ға республика дәүләт автоинспекцияһының матбуғат хеҙмәтенән хәбәр итеүҙәренсә, Өфө - Иглин - Ҡыҙылъяр юлының 51-се саҡрымында «Дэу Джентра» автомобиленең 36 йәшлек водителе ҡапыл юлға килеп сыҡҡан мышыны бәрҙергән.
Кешеләр араһында ҡорбандар юҡ, ләкин малҡай урында уҡ йән биргән. Автомобилдең алғы яғы ныҡ йәмшәйгән, тәҙрәһе ватылған.
Дәүләт автоинспекцияһы хеҙмәткәрҙәре юл-транспорт ваҡиғаһы сәбәптәрен тикшерә.
Ошо көндәрҙә Өфөлә күп машина ҡатнашлығындағы аварияла алты йәшлек бала йәрәхәтләнгән.
https://www.bashinform.ru/news/law/2024-06-04/v-bashkirii-pod-kolesami-inomarki-pogib-los-3797466