Стәрлетамаҡта дәүләт автоинспекцияһы хеҙмәткәрҙәре ике автобус ҡатнашлығындағы юл-транспорт ваҡиғаһы сәбәптәрен асыҡлай. Ведомствоның матбуғат хеҙмәте мәғлүмәттәре буйынса, авария бөгөн иртәнге сәғәт 9 тирәһендә Хоҙайбирҙин урамындағы «Башҡорт гимназияһы» туҡталышы янында теркәлгән. «ПАЗ» автобусы водителе юл ыңғай барған «ГАЗель Некст» менән бәрелешкән. «ГАЗел»дең ике пассажиры дауаханаға оҙатылған.
Ике автобус та маршрутҡа сыҡҡан, «ГАЗел»дә — 20, «ПАЗ»да 10 пассажир булған.
Ваҡиға урынында ЮХХДИ хеҙмәткәрҙәре һәм башҡа ашығыс хеҙмәттәр эшләй. Авария сәбәптәре асыҡлана.
«Башинформ» хәбәр иткәнсә, кисә Өфөлә дүрт машина ҡатнашлығында юл-транспорт ваҡиғаһы теркәлгән.