Башҡортостанда 19 апрелдә 112 системаһының шылтыратыуҙарҙы эшкәртеү үҙәгенә Әбйәлил районының Мораҡай ауылында магазин һәм медицина пункты яна тигән хәбәр килгән.
Янғын урынында Абҙаҡ һәм Күсем руднигы ауылдары, республика ғәҙәттән тыш хәлдәр буйынса дәүләт комитетының янғын һүндереүселәре, ирекле янғын һүндереүселәр һәм башҡа ашығыс хеҙмәттәр эшләгән.
«Һәләк булғандар һәм зыян күргәндәр юҡ. Янғын сәбәптәре асыҡлана», — тип хәбәр иттеләр Башҡортостан ғәҙәттән тыш хәлдәр буйынса дәүләт комитетының матбуғат хеҙмәтенән.