Салауат районының Мәсетле ауылында ике бала янғындан үҙ аллы ҡотола алған. Башҡортостандың Ғәҙәттән тыш хәлдәр министрлығы мәғлүмәттәре буйынса, бөгөн Урман урамында ике ҡатлы бүрәнә йорт янып киткән. Уттан өй һәм таҡта солан зыян күргән. Янғындың дөйөм майҙаны 92 квадрат метр тәшкил иткән. «Ҡыҙыл әтәс»те ауыҙлыҡлауҙа Рәсәй Ғәҙәттән тыш хәлдәр министрлығының янғын һүндереүселәре һәм ирекмәндәр ҡатнашҡан.
Янғын ваҡытында йортта ике бала булған, улар янғын һүндереүселәр килеп еткәнсе үҙ аллы сығып ҡотолған. Янғын сәбәптәре асыҡлана.