Башҡортостанда стримерға терроризм хаҡында әйткән һүҙҙәре өсөн енәйәт эше ҡуҙғатылды

Стәрлетамаҡта асыҡтан-асыҡ террористик эшмәкәрлеккә саҡырыуҙа шик тыуҙырған треш-стримерға ҡарата енәйәт эше ҡуҙғатылды. Был хаҡта Башҡортостан Тәфтиш Комитетының матбуғат хеҙмәте хәбәр итә.

«Әлеге ваҡытта уның менән тикшереү эштәре алып барыла, уға хөкөм сараһын һайлау мәсьәләһе хәл ителә», - тиелә Тәфтиш комитеты белдереүендә.

Хәтерегеҙгә төшөрәбеҙ, ир терроризмды аҡлау, милләт-ара ыҙғышҡа әйҙәү һәм «Крокус Сити Хол»да булған теракт ҡорбандарының хәтерен рәнйетеү һүҙҙәрен әйткән. Полицияла ул үҙенең ҡылығы өсөн ғәфү үтенгән һәм интернет-трансляция алып барғанда үҙенең иҫерек булыуын таныған.

https://www.bashinform.ru/news/law/2024-03-28/na-strimera-iz-bashkirii-vozbudili-ugolovnoe-delo-za-vyskazyvaniya-opravdyvayuschie-3704617