Силәбе өлкәһе Ғәҙәттән тыш хәлдәр министрлығының матбуғат хеҙмәте хәбәр итеүенсә, бөгөн таң менән Әшә янғын һүндереү-ҡотҡарыу гарнизоны хеҙмәткәрҙәре Эҫем ҡалаһы янында ут ялмап алған пассажир микроавтобусын һүндергән. Фажиғәлә бер кем дә зыян күрмәгән.
Яҡынса мәғлүмәттәр буйынса, Үрге Ҡыйғы ауылынан Өфөгә китеп барған микроавтобуста 19 кеше булған. Аҙаҡ барыһы ла икенсе транспортҡа күсереп ултырған һәм юлын артабан дауам иткән.