Силәбе өлкәһендә, Башҡортостан сигенә яҡын ғына урында, дүрт кеше һәләк булған юл-транспорт ваҡиғаһы теркәлгән. Аварияла күп балалы ғаиләнең ғүмере өҙөлгән. Силәбе өлкәһенең ЮХХДИ идаралығынан хәбәр итеүҙәренсә, сит ил автомобиленең 20 йәшлек водителе хәүефле боролошта ҡаршы һыҙатҡа сыҡҡан һәм «ВАЗ-21102» менән бәрелешкән.
Юл фажиғәһендә «ВАЗ-21102» машинаһындағы ғаиләнең барыһы ла тиерлек һәләк булған: 42 йәшлек ир, уның ҡатыны, 7 йәшлек ҡыҙҙары һәм өс айлыҡ улдары. Дүрт йәшлек улдары мөғжизә менән генә иҫән ҡалған, әммә авариянан һуң уның хәле бик ауыр.