Төмән өлкәһендә алты яҡташыбыҙ юл һәләкәтенә тарыған

10 ғинуарҙа Төмән федераль трассаһында алты яҡташыбыҙ юл фажиғәһенә осраған. Урындағы дәүләт автоинспекцияһының матбуғат хеҙмәте хәбәр итеүенсә, Төмән өлкәһенең Уват районында (Төмән - Ханты-Манси автомобиль юлының 397-се саҡрымында) «Джилли» менән «Шкода» бәрелешкән. Яҡынса мәғлүмәттәргә ярашлы, «Джилли»ҙағы 40 йәшлек водитель ҡаршы һыҙатҡа сыҡҡан.

Аварияла алты кеше: «Джилли» водителе һәм уның ике пассажиры, 26, 35 һәм 40 йәшлек ирҙәр, шулай уҡ «Шкода» водителе һәм пассажирҙары төрлө йәрәхәттәр алған.

«Джилли» пассажирҙары Когалымға вахтаға  китеп барған, ә «Шкода»ныҡылар Когалымдан өйҙәренә, Башҡортостанға ҡайтып килгән.

Барыһы ла дауаханаға оҙатылған. Юл-транспорт ваҡиғаһының сәбәптәре асыҡлана, тип билдәләнеләр ведомствола.

https://www.bashinform.ru/news/law/2024-01-10/shestero-zhiteley-bashkirii-postradali-v-avarii-na-trasse-v-tyumenskoy-oblasti-3597179