Стәрлетамаҡта элекке ҡатынын үлтергән ир быға тиклем дә хөкөмгә тарттырылған булған
Стәрлетамаҡта элекке ҡатынын вәхшиҙәрсә үлтереүҙә ғәйепләнгән ирҙе ҡулға алғандар. Был хаҡта Башҡортостандың Тәфтиш комитеты хәбәр итә.
Тәфтиш мәғлүмәттәре буйынса, фажиғә 23 декабрҙән 24-енә ҡарай төндә теркәлгән. Виталий элекке ҡатынының фатирына үтеп инеп, уның тәүге никахтан тыуған 16 йәшлек улын бәйләп ҡуйған, 36 йәшлек Анна ҡайтҡас, уны ғазаплап үлтергән.
42 йәшлек ир быға тиклем дә «Үлтереү менән янау йәки ауыр тән йәрәхәттәре һалыу» һәм «Язалау» статьялары буйынса хөкөм ителгән булған. Виталий енәйәт ҡылғандан һуң ҡасырға маташҡан, ләкин уны тиҙ арала тотҡандар.
«Ҡатынды үлтергән ир ир енәйәт урынын ҡалдырып киткән, ләкин иртәнсәк ЮХХДИ хеҙмәткәрҙәре уны Стәрлетамаҡта үҙенең автомобилендә ҡулға алған. Әлеге ваҡытта ғәйепләнеүсе һаҡ аҫтында», - тип хәбәр иттеләр Башҡортостан Тәфтиш комитетының матбуғат хеҙмәтенән.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.