Туймазыла автобус ике еңел автомобиль менән бәрелешкән, ҡорбандар бар

22 ноябрҙә Туймазынан 13 саҡрым алыҫлыҡта урындағы әһәмиәттәге юлда 33 пассажир ултырған автобус юл фажиғәһенә осраған. Башҡортостан буйынса Ғәҙәттән тыш хәлдәр министрлығының һәм ЮХХДИ-ның матбуғат хеҙмәттәре хәбәр итеүенсә, «НефАЗ» «Лада Гранта» менән бәрелешкән, артабан «Лада»ға «Хендай Солярис» килеп бәрелгән. «Лада» водителе һәләк булған. Автобус юл ситенә сығып осҡан. Салондағы 33 пассажирҙың икәүһе дауаханаға оҙатылған. «Хендай»ҙа йәрәхәтләнеүселәр юҡ.

Полиция хеҙмәткәрҙәре фажиғә сәбәптәрен асыҡлай.

https://www.bashinform.ru/news/law/2023-11-22/v-bashkirii-stolknulis-dve-legkovushki-i-avtobus-s-33-passazhirami-est-zhertvy-3532110