Өфөлә 48 йәшлек Эльвира Рыжакова (Вәлитова) хәбәрһеҙ юғалған. «Лиза Алерт БР» ирекмәндәре мәғлүмәттәренә ярашлы, 14 ноябрҙән бирле ҡатындың ҡайҙа икәнлеге билдәһеҙ.
Юғалған көндө ул күк куртка, аҡһыл көрән кофта, ҡара джинсы һәм ботинка (башҡа мәғлүмәттәр буйынса — һоро пальто, ҡарағусҡыл күк салбар һәм күкһел-йәшкелт башлыҡ) кейеп сығып киткән. Билдәләре — һарғылт сәсле, ҡуңыр күҙле.
Ниндәй ҙә булһа мәғлүмәткә эйә булғандарҙан 8-800-700-54-52 телефонына йәки 112 номерына шылтыратыуҙарын һорайҙар.