Башҡортостан прокуратураһы психоневрология интернатындағы янғындан һуң тикшереү башланы

Күгәрсен районы прокуратураһы Күмертау психоневрология интернатының Йомағужа ауылындағы филиалында сыҡҡан янғынды тикшерә башланы, тип хәбәр итә ведомствоның матбуғат хеҙмәте.

«Прокуратура социаль учреждениеға урынлаштырылған граждандарҙың именлеген тәьмин итеү тураһында ҡануниәтте, шул иҫәптән интернат хеҙмәткәрҙәренең тәрбиәләнеүселәрҙең эшмәкәрлеген контролдә тотоу буйынса бурыстарын үтәүенә баһа бирергә тейеш», - тип билдәләнеләр күҙәтеү органында.

Хәтерегеҙгә төшөрәбеҙ, 10 ноябрь төнөндә медицина учреждениеһының өсөнсө ҡатында диван янып киткән. Рәсәй Ғәҙәттән тыш хәлдәр министрлығының Башҡортостан буйынса идаралығы хеҙмәткәрҙәре 23 кешене ҡотҡарған. Янғын һүндереүселәр килгәнсе учреждение хеҙмәткәрҙәре 114 кешене хәүефһеҙ урынға алып сыҡҡан.

https://www.bashinform.ru/news/law/2023-11-10/prokuratura-bashkirii-organizovala-proverku-posle-pozhara-v-psihonevrologicheskom-internate-3515727