Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Хәл-ваҡиғалар
25 Октябрь 2023, 16:58

Кушнаренко районында теркәлгән юл фажиғәһе тураһында тулыраҡ мәғлүмәт билдәле булды

Башҡортостан Республикаһы буйынса ЮХХДИ
Фото:Башҡортостан Республикаһы буйынса ЮХХДИ

Кушнаренко районындағы юл-транспорт ваҡиғаһында ғүмере өҙөлгән пенсионерҙар ауылдаштар булып сыҡҡан. Был турала «Башинформ» агентлығына республика дәүләт автоинспекцияһының матбуғат хеҙмәтенән хәбәр иттеләр.

«Яҡынса мәғлүмәттәргә ярашлы, аварияла Сәйет ауылынан 67 йәшлек өйҙәш ир менән ҡатын, шулай уҡ уларҙың 67 йәшлек күршеһе һәләк булған. Туғандары әйтеүенсә, улар пенсия алған һәм Кушнаренкоға аҙыҡ-түлеккә тип барған, ауылға ҡайтып килгәндә иһә юл фажиғәһенә осраған», — тип белдерҙеләр ведомствола.

«Башинформ» хәбәр иткәнсә, 23 октябрҙә көндөҙгө сәғәт дүрт тирәһендә М-7 «Волга» автомобиль юлының 1252 -се саҡрымында үлемесле юл-транспорт ваҡиғаһы теркәлгән. Иглин районынан 50 йәшлек водитель Daewoo Novus йөк машинаһы менән алда һулға боролорға тип туҡтаған «Лада Калина»ны төкөгән. Еңел автомобиль ҡаршыға килгән «КамАЗ»ға бәрелгән.

Йөк машиналарының водителдәре зыян күрмәгән, еңел автомобилдә ултырғандарҙың бөтәһе лә йән биргән. Әлеге осраҡ буйынса тикшереү бара.

https://www.bashinform.ru/news/law/2023-10-25/v-gibdd-bashkirii-soobschili-novye-podrobnosti-massovogo-dtp-s-tremya-pogibshimi-odnoselchanami-3493017

Видео:Башҡортостан Республикаһы буйынса ЮХХДИ
Автор:Дарья Субботина
Читайте нас: