Өфөлә йыл башынан 905 юл-транспорт ваҡиғаһы теркәлгән, был уҙған йылдың ошо уҡ осоро менән сағыштырғанда 24 осраҡҡа аҙыраҡ, 10 кешенең ғүмере өҙөлгән, 1109-ы төрлө дәрәжәләге йәрәхәттәр алған. Был турала 13 сентябрҙә ҡала хакимиәтендәге оператив кәңәшмәлә Эске эштәр министрлығының Өфө буйынса идаралығының ЮХХДИ бүлеге етәксеһе, полиция подполковнигы Рауил Бикбулатов хәбәр итте.
«Юл фажиғәләренең һаны ғына түгел, зыян күргәндәр ҙә аҙайҙы, юлдарҙа үлем осраҡтары 68% тиерлек кәмене, ләкин Өфөнөң Калинин һәм Совет райондарында юл-транспорт ваҡиғаларының һәм йәрәхәтләнгәндәрҙең артыуы билдәләнә», - тип хәбәр итте Рауил Бикбулатов.
Уның һүҙҙәренсә, автоаварияларҙың йыш теркәлгән төрө - бәрелешеү һәм йәйәүлеләрҙе тапатыу.