Полиция хеҙмәткәрҙәре Белорет районында теркәлгән үлемесле юл-транспорт ваҡиғаһының сәбәптәрен асыҡлай.
Билдәле булыуынса, бөгөн иртәнге сәғәт 11 тирәһендә Өфө-Инйәр-Белорет юлының 112-се саҡрымында «Лада Гранта» менән «Рено Меган» бәрелешкән.
«Лада» водителе алған йәрәхәттәрҙән ашығыс медицина ярҙамы бригадаһы килеп еткәнсе йән биргән.
Ваҡиға урынында ЮХХДИ хеҙмәткәрҙәре һәм башҡа хеҙмәттәр эшләй. Фажиғә сәбәптәре асыҡлана, тип хәбәр иттеләр республика ЮХХДИ-ның матбуғат хеҙмәтенән.