Ғәҙәттән тыш хәлдәр министрлығы йәшен йәшнәүе һәм көслө ел сығыуы тураһында иҫкәртә

Башҡортостан буйынса Ғәҙәттән тыш хәлдәр министрлығынан хәбәр итеүҙәренсә, 15 июлдә республикала урыны менән йәшен йәшнәүе, көндөҙ елдең тиҙлеге секундына 18 метрға етеүе көтөлә. Ел төньяҡ-көнбайыштан, төньяҡтан, төндә талғын, көндөҙ көсәйеүсән. Һауа температураһы төндә +9, +14°, көндөҙ +20, +25°.

«Йәшен ваҡытында, көслө ел иҫкәндә яңғыҙ ағастар, бағаналар, электр тапшырыу линиялары янында торорға, подстанцияларға яҡын килергә ярамай», — тип иҫкә төшөрҙөләр ведомствола.

https://www.bashinform.ru/news/law/2023-07-14/mchs-po-bashkirii-preduprezhdaet-zhiteley-respubliki-o-grozah-i-silnom-vetre-3340739