Башҡортостан һәм Өфө яңылыҡтары
69.34
0
75.41
0
84.91
-1.75
-10 °C
Ҡар
Бөтә яңылыҡтар
Хәл-ваҡиғалар
30 Декабрь 2022, 12:09

Башҡортостанда юл фажиғәһендә ике кеше һәләк булған, дүртәүһе дауаханаға оҙатылған

Башҡортостан буйынса Ғәҙәттән тыш хәлдәр министрлығы
Фото:Башҡортостан буйынса Ғәҙәттән тыш хәлдәр министрлығы

Башҡортостанда Р-240 Өфө-Ырымбур трассаһының 161-се саҡрымында, Икенсе Иманғол ауылы янында, үлемесле юл-транспорт ваҡиғаһы теркәлгән. Юлда «Лада Гранта», «Шкода Октавиа» һәм «Лада Приора» автомобилдәре бәрелешкән, тип хәбәр итте Башҡортостан буйынса ЮХХДИ.

Ваҡиға урынына тиҙ арала Рәсәй Ғәҙәттән тыш хәлдәр министрлығы хеҙмәткәрҙәре, Салауат ҡалаһының авария-ҡотҡарыу отряды һәм башҡа ашығыс хеҙмәттәр килгән. Ҡотҡарыусылар һәләк булғандарҙы һәм йәрәхәтләнгәндәрҙе машинанан сығарған.

«Ҡыҙғанысҡа ҡаршы, ике кеше үлгән, дүртәүһе йәрәхәттәр алған, бөтәһе лә өлкәндәр. Имгәнгән пассажирҙар дауаханаға оҙатылған», — тип хәбәр иттеләр Башҡортостан буйынса Ғәҙәттән тыш хәлдәр министрлығының матбуғат хеҙмәтенән.

https://www.bashinform.ru/news/law/2022-12-30/v-bashkirii-v-massovom-dtp-na-trasse-pogibli-dva-cheloveka-chetvero-gospitalizirovany-3090825

Автор:Дарья Субботина
Читайте нас в