Башҡортостан һәм Өфө яңылыҡтары
69.34
0
75.41
0
84.91
-1.75
-9 °C
Ҡар
Бөтә яңылыҡтар
Хәл-ваҡиғалар
27 Декабрь 2022, 14:58

Республикала почта бүлексәләре начальниктары «Рәсәй почтаһы» аҡсаһын һәм тауарҙарын үҙләштергән

Федераль именлек хеҙмәтенең Башҡортостан буйынса идаралығы
Фото:Федераль именлек хеҙмәтенең Башҡортостан буйынса идаралығы

Рәсәй Федераль именлек хеҙмәтенең Башҡортостан буйынса идаралығы хеҙмәткәрҙәре Учалы районы «Ҡунаҡбай» почта элемтәһе бүлексәһенең 42 йәшлек начальнигының енәйәт эшмәкәрлеген туҡтатҡан. Ул үҙенең вазифаһын «Рәсәй почтаһы» тауарҙарын урлау өсөн файҙаланған.

Ведомствоның матбуғат хеҙмәте хәбәр итеүенсә, ул «Ҡунаҡбай» бүлексәһенең кассаһынан даими рәүештә аҡса һәм халыҡ ҡулланыуы тауарҙарын урлаған, уларҙы шәхси мәнфәғәте өсөн файҙаланған. «Рәсәй почтаһы»на 92 мең һумдан ашыу зыян килтерелгән.

Уға ҡарата «аҡсаны үҙләштереү йәки туҙҙырыу» статьяһы буйынса енәйәт эше ҡуҙғатылған.

Учалы районы суды почта бүлексәһе етәксеһен аҡса үҙләштереүҙә ғәйепле тип таныған һәм ике йылға шартлы рәүештә иркенән мәхрүм иткән. Ғәйепләнеүсе «Рәсәй почтаһы»на килтерелгән зыянды тулыһынса ҡаплаған.

2022 йылдың октябрендә «Рәсәй почтаһы»ның халыҡ ҡулланыуы тауарҙарын урлаған өсөн Учалы районының «Абҙаҡ» ауылындағы почта элемтәһе бүлексәһе етәксеһе лә 2 йылға иркенән мәхрүм ителгәйне. Ул үҙ ғәйебен танып, 159 мең һумдан ашыулыҡ зыянды ҡаплаған.

https://www.bashinform.ru/news/law/2022-12-27/v-bashkirii-nachalnitsy-pochtovyh-otdeleniy-prisvaivali-dengi-i-tovary-pochty-rossii-3087683

Автор:Дарья Субботина
Читайте нас в