Өфө янындағы баҡсасылыҡ ширҡәтендә 7 йәшлек ҡыҙ утта янып үлгән

Башҡортостан буйынса Ғәҙәттән тыш хәлдәр министрлығына 5 декабрҙә төндә Өфөнөң Дим районында, «Төҙөүсе» баҡсасылыҡ ширҡәтендә йорт яныуы тураһында хәбәр иткәндәр. Урынға Өфө янғын-ҡотҡарыу гарнизоны хеҙмәткәрҙәре һәм башҡа ашығыс хеҙмәттәр ебәрелгән.

«Янғын урынын тикшергән ваҡытта 7 йәшлек ҡыҙҙың кәүҙәһе табылған. Урынға саҡырылған табиптар уның үлемен раҫлаған. Шулай уҡ өс кеше (ир менән ҡатын һәм 7 йәшлек ҡыҙ) төрлө дәрәжәләге йәрәхәттәр алған: уларҙы 18-се ҡала клиник дауаханаһының тән бешеү үҙәгенә алып киткәндәр», — тип хәбәр иттеләр Башҡортостан буйынса Ғәҙәттән тыш хәлдәр министрлығының матбуғат хеҙмәтенән.

Янғын сәбәбе асыҡлана, урында тәфтиш-оператив төркөм эшләй. Янғынды һүндереүгә 41 кеше һәм 13 берәмек техника, шул иҫәптән Рәсәй Ғәҙәттән тыш хәлдәр министрлығынан 23 кеше һәм ете берәмек техника йәлеп ителгән.

https://www.bashinform.ru/news/law/2022-12-05/v-ufe-pri-pozhare-v-sadovom-dome-pogibla-7-letnyaya-devochka-3057217