Өфөлә хоҡуҡ һаҡлаусылар педофилды эҙләй. «Башинформ»ға үҙ сығанағы хәбәр итеүенсә, 26 ноябрҙә шикле әҙәм уҡыусы ҡыҙ артынан эйәреп Транспорт урамында урынлашҡан йорттоң подъезына ингән.
«11-12 йәштәрҙәге ҡыҙ таныш булмаған ир менән лифтҡа ингән. Ул уға бәйләнә башлаған, тигән фараз бар. Лифт ишектәре асылғас, ир сығып киткән. Уҡыусы был хаҡта туғандарына һөйләгән. Улар полицияға ғариза яҙған», — ти агентлыҡ әңгәмәсеһе.
Әле хоҡуҡ һаҡлаусылар енәйәтсене ориентировка буйынса эҙләй.