Башҡортостан һәм Өфө яңылыҡтары
61.07
+0.32
63.39
+0.09
83.32
+0.29
-17 °C
Болотло
Бөтә яңылыҡтар
Хәл-ваҡиғалар
18 Октябрь , 14:00

Өфөлә иҫерек ир ят фатирға ингән һәм уянған әбейҙе ныҡ итеп туҡмаған

Фото: РФ Эске эштәр министрлығының Өфө буйынса идаралығынан
  Фото: РФ Эске эштәр министрлығының Өфө буйынса идаралығынан

Баш ҡалала полиция хеҙмәткәрҙәре 76 йәшлек әбейҙең фатирына баҫып инеүҙәрен асыҡлаған. Улар Ленин урамында балкондан фатирға үткән һәм пенсионерға һөжүм иткән 29 йәшлек ирҙе ҡулға алған.

Рәсәй Эске эштәр министрлығының Өфө буйынса идаралығы матбуғат хеҙмәтенән белдереүҙәренсә, төндә әбей йоҡлап киткәс, уны ят тауыш уятҡан. Ул фатирындағы шкафты тентегән ят ирҙе күреп ҡалған. Пенсионер уянғанын абайлаған баҫҡынсы йүгереп килеп быны туҡмай башлаған. Аҙаҡ ул әбейҙән ике алтын балдаҡты, алҡаларын систергән, тумбочкала ятҡан кәрәҙле телефонды һәм көшөлөктө тотоп сығып киткән. Зыян күреүсе иҫенә килеп улына шылтыратҡан, аҙаҡ полицияға мөрәжәғәт иткән.

 Әбей һөжүм итеүсенең билдәләрен таусирлай алған. Ҡулға алыныусы Өфөлә йәшәгән һәм быға хәтлем дә хөкөм ителгән 29 йәшлек ир булып сыҡҡан. Бағып инеү факты буйынса енәйәт эше асылған.

https://www.bashinform.ru/news/law/2022-10-18/pyanyy-ufimets-nochyu-pronik-v-chuzhuyu-kvartiru-i-zhestoko-izbil-prosnuvshuyusya-babushku-2993378

Автор:Дарья Субботина

Автор:Айбулат Ишназаров
Читайте нас в