Павловка һыу һаҡлағысында батып үлгән ирҙең кәүҙәһен эҙләйҙәр

Башҡортостанда 24 августа иртән республика буйынса Ғәҙәттән тыш хәлдәр министрлығына һыуҙа ғәҙәттән тыш хәл тураһында хәбәр иткәндәр. Яҡынса мәғлүмәттәр буйынса, Нуриман районы Павловка ауылы янындағы һыу һаҡлағыста 35 йәшлек ир батып үлгән.

«Ваҡиға урынына Рәсәй Ғәҙәттән тыш хәлдәр министрлығының Волга буйы төбәк эҙләү-ҡотҡарыу отряды ҡотҡарыусылары юлланды, эҙләү- водолаз эштәре планлаштырыла. Урын һыу инеү өсөн йыһазландырылмаған, тыйыу билдәләре ҡуйылған», — тип белдерҙеләр ведомствоның матбуғат хеҙмәтендә.

23 авгусҡа ҡарата мәғлүмәттәр буйынса, республикала 108 кеше һыуҙан сығарылған, уларҙың 70-е, шул иҫәптән 10 бала батып үлгән. Һыуҙа 112 кеше ҡотҡарылған.

https://www.bashinform.ru/news/law/2022-08-24/v-bashkirii-na-pavlovskom-vodohranilische-ischut-telo-utonuvshego-muzhchiny-2920866