Башҡортостандың Урман ауылында йәнә шартлау яңғыраған. Бер нисә телеграм-канал хәбәр иткән мәғлүмәтте «Башинформ» агентлығына үҙенең сығанағы раҫланы.
Яҡынса мәғлүмәттәр буйынса, үлемесле осраҡ 23 августа кис көнө элекке хәрби часть биләмәһендә булған. Ваҡиға урынына хоҡуҡ һаҡлаусылар килгән. Улар 33 йәшлек ирҙең мәйетен тапҡан. Ул Иглин районы кешеһе булып сыҡҡан. Ҡайһы бер мәғлүмәттәр буйынса, ул рөхсәтһеҙ металл һыныҡтарын йыйыу менән шөғөлләнгән.
Хәҙер хоҡуҡ һаҡлау органдары ваҡиға сәбәптәрен тикшерә.