Дәүләкән районында кисә иртән Дәүләкән — Бүздәк автомобиль юлының 2-се саҡрымында үлемесле фажиғә булған. Башҡортостан Республикаһы буйынса ЮХХДИ-ның матбуғат хеҙмәте хәбәр итеүенсә, 27 йәшлек егет идара иткән автомобиль юл ситенә сығып осҡан.
Юл-транспорт ваҡиғаһында 29 йәшлек ҡыҙ алған йәрәхәттәренән һәләк булған. Водитель һүҙҙәренсә, ул һөйгәне менән бәхәсләшеп киткән һәм идара итеү һәләтен юғалтҡан. Йәштәр ай һуңында өйләнешергә йыйынған булған.
Әле юл фажиғәһе буйынса тикшереү бара. Бер нисә экспертиза тәғәйенләнгән.