Туймазы районында 24 февралдә көндөҙ Бәләбәй — Николаевка — Туймазы — Баҡалы автомобиль юлының 38-се саҡрымында, Николаевка ауылы янында, юл-транспорт ваҡиғаһында ике ҡатын-ҡыҙ йәрәхәтләнгән.
Башҡортостан буйынса ЮХХДИ-ның матбуғат хеҙмәте хәбәр итеүенсә, «Лада Калина» автомобиле рулендәге 50 йәшлек ир М-5 «Урал» яғынан Бәләбәйгә китеп барғанда идара итеү һәләтен юғалтып, ҡаршыға килгән «ВИС» автомобиленә бәрелгән. Рулдә Туймазынан 61 йәшлек ир ултырған.
Аварияла «Лада» пассажирҙары, 28 һәм 55 йәшлек ҡатын-ҡыҙҙар, йәрәхәттәр менән урындағы дауаханаға оҙатылған.
ЮХХДИ хеҙмәткәрҙәре ваҡиға сәбәптәрен асыҡлай.
https://www.bashinform.ru/news/law/2022-02-25/v-bashkirii-vo-vstrechnom-dtp-s-vis-dve-passazhirki-lady-kaliny-poluchili-travmy-2706149