Өфө мәктәптәрендә йәнә эвакуация башланды

29 декабрҙә иртән Өфө ҡалаһында 30-лаған мәктәп эвакуацияланған, ләкин уларҙың һаны артыуы ихтимал. «Башинформ»ға билдәле булыуынса, 112 номерына һәм мәктәптәрҙең почтаһына билдәһеҙҙәр шартлатҡыс һалынған тигән хәбәрҙәр ебәрә.

«Яҡынса мәғлүмәттәр буйынса, Өфөнөң 3-сө, 5-се, 7-се 9-сы, 11-се, 14-се, 75-се, 22-се, 25-се, 36-сы, 37-се, 38-се, 45-се, 46-сы, 47-се, 75-се, 115-се, 149-сы урта белем биреү мәктәптәренең электрон почтаһына бомба һалыныуы тураһында хәбәр килгән. Баш ҡаланың барлыҡ ашығыс хеҙмәттәре объекттарға юлланған. Объект хакимиәттәре эвакуация ойошторған», - тип хәбәр итте «Башинформ»ға белгән сығанаҡ.

Билдәле булыуынса, 1-се лицей уҡыусыларын күрше балалар баҡсаһына алып киткәндәр. 18-се мәктәптән дә бөтә уҡыусыларҙы сығарғандар - ата-әсәләр балаларын өйөнә алып ҡайтып киткән. 1-се гимназияла ла шундай уҡ хәл. Бөгөн мәктәптәрҙә яңы йыл иртәлектәре булырға тейеш ине.