Башҡортостан буйынса Юл хәрәкәте хәүефһеҙлеге дәүләт инспекцияһының матбуғат хеҙмәте хәбәр итеүенсә, «НефАЗ» автобусының 48 йәшлек водителе, 51а «ВАЗ-Дуҫлыҡ монументы» маршруты буйынса китеп барғанда, йәйәүлеләр үткәүелендә 9 йәшлек малайҙы бәрҙергән.
Йәрәхәтләнгән бала дауаханаға оҙатылған. Билдәле булыуынса, салонда ун пассажир булған, береһе лә зыян күрмәгән. Ваҡиға урынында полиция һәм башҡа хеҙмәттәр эшләй.
Авария сәбәптәре асыҡлана.