Күмертау ҡалаһында спиртлы эсемлектәр эсеп ултырған парҙың ыҙғышы енәйәт эше менән тамамланған. Башҡортостан Эске эштәр министрлығының матбуғат хеҙмәте мәғлүмәттәре буйынса, 4 декабрҙә төндә ҡала дауаханаһына күкрәгенә бысаҡ менән сәнселгән 32 йәшлек ир килтерелгән.
Полицейскийҙарҙың оператив мәғлүмәттәренә ярашлы, ресторанда официант булып эшләгән ҡыҙ уға бысаҡ менән сәнскән.
«Быға көнләшеү сәбәпсе булған. Полиция бүлегендә ҡатын үҙ ғәйебен таныған», - тип белдерҙеләр министрлыҡта.
Хоҡуҡ һаҡлау органдары «Яуыз ниәт менән һаулыҡҡа ауыр зыян килтереү» статьяһы буйынса енәйәт эше ҡуҙғатҡан. Хәҙер уға иркенән мәхрүм ителеү ҡурҡынысы янай.