Башҡортостан һәм Өфө яңылыҡтары
76.69
+0.25
86.91
+0.08
87.62
-0.6
-10 °C
Ҡар
Бөтә яңылыҡтар
Хәл-ваҡиғалар
3 Декабрь 2021, 13:27

Өфө мәктәптәренең береһендә боросло баллончиктан һиптергәндәр

Фото:Өфө Граждандарҙы яҡлау идаралығының матбуғат хеҙмәте

Өфөнөң 127-се мәктәбендә боросло баллончиктан һиптергәндәр. Яҡынса мәғлүмәт буйынса, 14 һәм 10 йәшлек ҡыҙҙар дауаханаға оҙатылған. Ошо хаҡта Граждандарҙы яҡлау идаралығының матбуғат хеҙмәтенән хәбәр иттеләр. Әлеге хәл бөгөн, 3 декабрҙә, өсөнсө ҡатта, бәҙрәф янында булған.

«Урынға медицина хеҙмәткәрҙәре, Өфө ҡалаһының Граждандарҙы яҡлау идаралығы вәкилдәре, полиция килгән. Хоҡуҡ һаҡлаусылар ваҡиға сәбәптәрен асыҡлай. Белем биреү дауам итә, балалар икенсе ҡаттағы кластарға күсерелгән», — тип белдерҙеләр матбуғат хеҙмәтендә.

Мәктәп хеҙмәткәрҙәре бүлмәләрҙе елләткән.

UPD. Башҡортостан Һаулыҡ һаҡлау министрлығының матбуғат хеҙмәтенән хәбәр итеүҙәренсә, ағыуланған 14 йәшлек ҡыҙҙы 17-се дауаханаға һалғандар. Уның хәле уртаса ауырлыҡта. Ун йәшлек ҡыҙ ата-әсәһе менән дауаханаға ятыуҙан баш тартҡан.