Республикала сәйер шарттарҙа 30 йәшлек Владимир Шульга юғалған

Владимирҙың апаһы Юлия әйтеүенсә, һуңғы тапҡыр уны эштә күргәндәр.

«Ял көнөндә кемгәлер ҡунаҡҡа барырға тейеш ине. Үҙе менән паспортын алмаған, документы өйҙә ҡалған. Социаль селтәргә ул һуңғы тапҡыр 21 ноябрҙә ингән, быға тиклем унда йыш ултыра торғайны. Өйләнмәгән, балаһы юҡ. Дуҫтарына шылтыраттыҡ, полицияға мөрәжәғәт иттек - бер кем бер нәмә белмәй,  – ти туғаны. – Элегерәк ставкаға ҡуя ине, бәлки, яңынан уйнай башлағандыр. Улайһа, ни өсөн бәйләнешкә сыҡмай, берәйһенән шылтыратырға йәки хәбәр яҙып ебәрергә мөмкин бит. Ул һау-сәләмәт, эсмәй. Өфөлә лә йәшәне, бәлки, хәҙер шундалыр, йә берәй нәмә булып, ҡайта алмайҙыр».

Туғандары уның хаҡында мәғлүмәтте 8-927-33-03-188, 8-927-33-03-167 телефондарына йәки полицияға хәбәр итеүҙәрен һорай.