Башҡортостандың Дәүләт автоинспекцияһы Мәләүез ҡалаһында теркәлгән үлемесле юл-транспорт ваҡиғаһы тураһында хәбәр итте. 18 ноябрҙә иртәнге сәғәт ун бер тирәһендә Смоленск урамында Chevrolet Cruze автомобиле МАЗ менән бәрелешкән. Юл инспекторҙары әйтеүенсә, еңел машинала ултырған 73 йәшлек пассажир ҡатынды дауаханаға илткәндәр, ләкин уны ҡотҡара алмағандар.
Билдәле булыуынса, сит ил автомобиле рулендә 50 йәшлек ир булған, ә йөк машинаһына 32 йәшлек Көйөргәҙе районы кешеһе идара иткән.