«Ъ» гәзитенең адвокат Владимир Богдандың һүҙҙәренә һылтанып хәбәр итеүенсә, Санкт-Петербургта үткәрелгән икенсе психолог-психиатр экспертизаһы ғәйепләнеүсенең аҡылы теүәл һәм уны енәйәт яуаплылығына тарттырылырға мөмкин икәнен күрһәтте.
Уның эшен суд декабрҙә ҡарар, моғайын. Хәҙер Илназ Ғәләүиевты Санкт-Петербургтан Ҡазанға ҡайтаралар.
«Башинформ» хәбәр иткәнсә, бынан алда В.П. Сербский исемендәге Социаль һәм суд психиатрияһы ғилми үҙәге уны аҡылдан яҙған тип таныны.
Хәтерегеҙгә төшөрәбеҙ, мылтыҡ менән ҡоралланған Илназ Ғәләүиев Ҡазан мәктәптәренең береһендә атыш ойошторғайны. Туғыҙ кешенең ғүмере өҙөлдө. Яраланған 21 кеше: 7-15 йәшлек уҡыусылар, шулай уҡ уҡытыусылар дауаханала ятып сыҡты.