Өфө эргәһендә йәш водитель мышыны бәрҙергән: пассажир һәм ҡырағай йәнлек үлгән

Өфө эргәһендә үлемесле юл фажиғәһе теркәлгән. Ҡариҙел районында йәшәгән 24 йәшлек «Лада Приора» водителе баш ҡаланың Көнбайыш урау юлынан китеп барған.

Республика Юл хәрәкәте хәүефһеҙлеге дәүләт инспекцияһының матбуғат хеҙмәтенән хәбәр итеүҙәренсә, егет 62 йәшлек пассажир менән Бөрө яғына юлланған. Бер мәл юлға мышы килеп сыҡҡан һәм машина аҫтында ҡалған.

Оло йәштәге ир ашығыс ярҙам бригадаһы килеп еткәнсе йән биргән, мышы ла үлгән.