Башҡортостан һәм Өфө яңылыҡтары
74.06
+0.09
83.81
-0.02
70.18
+0.51
-3 °C
Болотло
Бөтә яңылыҡтар
Хәл-ваҡиғалар
29 Октябрь , 10:08

Баш ҡалала бер әбей магазин ҡыйығына осоп төшкән

Ул иҫән ҡалған һәм тиҙ арала дауаханаға оҙатылған.

Фото:Өфө буйынса Граждандарҙы яҡлау идаралығының матбуғат хеҙмәте

28 октябрҙә көндөҙ ҡаланың мәғлүмәт-диспетчер үҙәгенә ошо хәл тураһында хәбәр иткәндәр. 80 йәшлек әбей Октябрь проспектының 81/2-се йортоноң беренсе ҡатында урынлашҡан магазин ҡыйығына ҡолап төшкән.

Урынға Өфө Граждандарҙы яҡлау идаралығының Эҙләү-ҡотҡарыу отряды, ашығыс ярҙам, полиция хеҙмәткәрҙәре килеп еткән.

«Ҡотҡарыусылар зыян күргән әбейҙе аҫҡа алып төшкән һәм медицина хеҙмәткәрҙәренә тапшырған. Яҡынса мәғлүмәт буйынса, был хәл дүртенсе ҡатта булған. Ашығыс ярҙам бригадаһы уны дауаханаға илткән», — тип хәбәр иттеләр Граждандарҙы яҡлау идаралығының матбуғат хеҙмәтенән.