Башҡортостан һәм Өфө яңылыҡтары
73.67
-0.07
83.11
-0.13
73.67
+0.59
-20 °C
Болотло
Бөтә яңылыҡтар
Хәл-ваҡиғалар
14 Октябрь , 18:21

Ишембайҙа 19 йәшлек егет 94 йәшлек әбейҙе туҡмаған

Зыян күреүсенең күршеһе «Башинформ» агентлығына аңлатыуынса, был хәл 10 октябргә ҡараған төндә Губкан урамындағы күп фатирлы йортта булған.
«Полиция хеҙмәткәре килде һәм күршегеҙҙе талау маҡсатында һары сәсле йәш егет туҡмаған тип хәбәр итте. – тип аңлатты ҡатын. – Аңлауымса, уны аҙаҡ ҡулға алғандар». Mash Batash телеграм каналы хәбәр итеүенсә, Мария Дмитриевнаны “һинең арҡаңда фатирымды һыу баҫты” тип аҫҡы ҡаттағы күршеһе Надежда Васильевнаның ейәне туҡмаған.
«Уның арҡаһында баҫҡан һыуҙан миндә электр сымының ҡыҫҡа тоташыуы булды, һыуытҡыс янып китте, — тип һөйләне Надежда Васильевна. – Ейәнем шунда уҡ сыҡты. Быға тиклем мин уны иҫерек күргәнем булманы, быныһында ул шулай ине». Һөҙөмтәлә хеҙмәт ветераны Мария Дмитриевна баш мейеһенә ҡан һауып, тәнендәге гематомалар менән дауаханаға эләккән.
«Башинформ» мәғлүмәт агентлығы был ваҡиға буйынса рәсми аңлатма һорап республиканың Эске эштәр министрлығына мөрәжәғәт итте.
Автор:IMPORT Сервисный