Элекке уҡытыусы Анна Ивановна өс аҙна инде Төркиә дауаханаһында ята. Ул ҡыҙы Ольга менән Бодрумға ял итергә килгән, ә отпускының икенсе көнөндә ауыр йәрәхәттәр менән реанимацияға оҙатылған.
«Уны автомобиль бәрҙергән, рулдә иҫерек водитель ултырған. Анна Ивановнаның хәле ныҡ ауыр ине, ике операция үткәрҙе, уң яғы, башы, эске органдары, айырыуса бауыры һәм тубығы зыян күргән. Әлеге ваҡытта атлай алмай. Оҙайлы реабилитация талап ителә», - ти уның яҡындары.
Хәҙер ғаиләгә Анна Ивановнаны дауалау хаҡы 70 мең долларға төшә. Тағы ике ай Төркиәлә түшәк режимын һаҡларға тура килер, ти табиптар. Ҡыҙы Ольга әсәһе янында, уның палатаһында йәшәй.