Рөстәм Миңлеханов автобус аварияһы эҙемтәләрен бөтөрөүҙә ҡатнашҡан башҡорт коллегаларына рәхмәт белдерҙе

ӨФӨ, 2019 йыл, 15 июль. /«Башинформ» мәғлүмәт агентлығы/.

Татарстан властары Башҡортостанда автобус менән булған аварияла зыян күреүселәргә бар күләмдә ярҙам итәсәк, РТ Президенты Рөстәм Миңлеханов бының турала бойороҡ бирҙе, тип хәбәр итте «Татар-информ» мәғлүмәт агентлығы. Улар, үҙ сираттта Ҡазан Кремленең рәсми вәкиле Лилиә Ғәлимоваға һылтанма бирә.

«Рөстәм Нурғәле улы Миңлеханов был хәлде үҙенең шәхси контроле аҫтына алды. Ул РТ Һаулыҡ һаҡлау министрлығына зыян күреүселәрҙе Татарстандың дауалау учреждениелары килтереү һәм тейешлесә ярҙам күрһәтеү буйынса тейешлесә бойороҡ бирҙе. Бөгөн ҡазаланыусыларҙың кемеһенә рөхсәт ителгән, шуларҙы алып ҡайтасаҡтар. Әгәр ҙә кәрәк булһа, РТ Президенты ҡушыуы буйынса санитар авиация ла йәлеп итәләсәк», – тип белдерҙе Ғәлимова.

Уның һүҙҙәре буйынса Рөстәм Миңлеханов фажиғәлә зыян күреүселәргә ярҙам иткәндәре өсөн башҡорт коллегаларына рәхмәт белдергән. Шундай уҡ йөкмәтлеле телеграмма Башҡортостан Башлығы исеменә ебәрелгән.

http://www.bashinform.ru/news/1330323-postradavshikh-v-avarii-s-avtobusom-dostavyat-iz-bashkirii-v-naberezhnye-chelny-sanaviatsiey/