Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Хәл-ваҡиғалар
8 Февраль 2019, 09:30

Башҡортостанда 16 йәшлек ҡыҙ дауахана юлында вафат булды

Ксения Калинина
Ксения Калинина
ӨФӨ, 2019 йыл, 8 февраль. /«Башинформ» мәғлүмәт агентлығы, Дарья Субботина/. Ауырғазы районы прокуратураһы Стәрлетамаҡ район-ара тәфтиш бүлегенең район дауаханаһы табиптарының ярҙамды тейешле кимәлдә күрһәтмәү осрағы буйынса енәйәт эшен ҡуҙғатыу тураһында ҡарарын законлы һәм нигеҙле тип таныны.
«Аургазинский вестник» гәзите яҙыуынса, быйыл февраль башында Терәпә ауылында йәшәгән 16 йәшлек ҡыҙҙың сәләмәтлеге насарая. Урындағы фельдшерҙың йүнәлтмәһе буйынса ул Талбазы үҙәк район дауаханаһы педиатрына бара. Үҫмергә диагноз ҡуйыла, дарыуҙар яҙып бирелә. Икенсе көндө лә уның хәле яҡшырмай, йәнә фельдшер саҡырыла. Дауалаусы табиптың күрһәтмәһе буйынса медик тейешле укол яһай. Шуға ҡарамаҫтан, ҡыҙҙың хәле тағы насарая. Шунан ата-әсә Талбазы ауылының ашығыс ярҙам станцияһына шылтырата.
Улар буш транспорт булмауына һылтанып баш тартҡас, уҡыусының ата-әсәһе баланы үҙҙәренең автомобиле менән медицина учреждениеһына алып барырға хәл итә. Юлда ҡыҙ вафат була.
Ата-әсә һүҙҙәренсә, улар фельдшерға һәм дауалаусы табипҡа ҡыҙҙы дауаханаға һалырға теләүҙәре тураһында әйткән, ләкин педиатрия бүлегендә буш урындар юҡ тигән яуап алған.
Әле райондың хоҡуҡ һаҡлау органдары ваҡиғаны тикшерә. Үҫмерҙең үлем сәбәбе асыҡлана. Эш барышы һәм тикшереү һөҙөмтәләре район прокуратураһының махсус контролендә.
Читайте нас: