Дәүләт учреждениеларына «мина һалыныуы» тураһында ялған хәбәрҙәр тулҡыны Башҡортостанға килеп етте

«Башинформ» мәғлүмәт агентлығы сығанағы

IMPORT Сервисный

ӨФӨ, 2019 йыл, 29 ғинуар. /«Башинформ» мәғлүмәт агентлығы, Дарья Субботина/. Рәсәй ҡалаларындағы дәүләт учреждениеларына «мина һалыныуы» тураһында ялған хәбәрҙәр тулҡыны Башҡортостанға килеп етте.

Бөгөн ҡайһы бер республика ведомстволары почтаһына «иҫкәртеү» хаты килде.

«Хәйерле көн! Бер нисә дәүләт учреждениеһына шартлатҡыс һалынған. Эвакуация үткәрелмәгән осраҡта ҡорбандар булыуы мөмкин. Беҙ һеҙҙе иҫкәрттек. Ҡыҙғанысҡа ҡаршы, бөтәһен дә иҫкәртә алманыҡ. Шуға күрә бөтә дәүләт учреждениеларын тикшерегеҙ! Хөкүмәт бинаһы, хакимиәттәр, идаралыҡтар, министрлыҡтар», — тип яҙылған ниндәйҙер «мәғариф бүлеге» ҡул ҡуйған «хатта».

«Башинформ» агентлығына сығанаҡ хәбәр итеүенсә, Өфөлә лә эвакуация тулҡындары башланды. Әйтәйек, «Нестеров» бизнес үҙәгендә биналағы кешеләргә тышҡа сығырға ҡушҡандар. Урында хоҡуҡ һаҡлау органдары хеҙмәткәрҙәре һәм кинологтар эшләй. Сауҙа үҙәктәренең береһендә һәм медицина учреждениеһында ошондай хәл булғанлығы билдәле. Шулай уҡ республика райондарының береһендә муниципалитет хеҙмәткәрҙәре эвакуацияланған.

Эвакуация урындарында полиция, Ғәҙәттән тыш хәлдәр министрлығы, Федераль именлек хеҙмәте, ашығыс ярҙам хеҙмәткәрҙәре эшләй

«Российская газета» баҫмаһы мәғлүмәте буйынса, бөгөн Томскиҙа социаль өлкә учреждениеларына бомба һалыныуы тураһында яңы хәбәрҙәр тулҡыны башланды. Ҡалала эвакуация үткәрелә. Кисә Себерҙә шундай йөҙҙәрсә ялған хәбәр теркәлде. Шартлатҡыстар һалыныуы тураһында аноним шылтыратыуҙар һәм электрон почта аша хәбәрҙәр ебәреү Новосибирскиҙа, Омскиҙа, Красноярскиҙа, Кемеровола һәм башҡа ҡалаларҙа халыҡты эвакуациялауға килтерҙе.

http://www.bashinform.ru/news/1266577-do-bashkirii-dokatilas-volna-lozhnykh-soobshcheniy-o-minirovanii-gosuchrezhdeniy/

1 из 7

#эвакуация

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.