Башҡортостанда өс йәшлек бала тәне бешеүҙән вафат булған

ӨФӨ, 2018 йыл, 10 декабрь. /«Башинформ» мәғлүмәт агентлығы/. Башҡортостандың Мишкә районында фажиғә булған — бер ғаиләлә бала тәне бешеүҙән яҡты донъя менән хушлашҡан. «Башинформ» агентлығына сығанаҡтан билдәле булыуынса, Өфөлә йәшәгән өс йәшлек малай туғандары менән олатаһына ҡунаҡҡа ҡайтҡан. Бала күпмелер ваҡытҡа ҡарауһыҙ ҡалған — уйнаған саҡта ул эҫе һыулы биҙрәгә төшкән. Малай дауаханаға оҙатылған. Табиптар сабыйҙың ғүмере өсөн көрәшһә лә, ҡотҡара алмаған.

«Әлеге осраҡ буйынса тәфтиш алды тикшереүе бара», — тип аңлатма бирҙеләр «Башинформ» агентлығына Рәсәйҙең Башҡортостан буйынса Тәфтиш комитетының тәфтиш идаралығында.

http://www.bashinform.ru/news/1249180-v-bashkirii-trekhletniy-rebenok-poluchil-smertelnye-ozhogi/