Республикала ғәйеплене ҡулға алған саҡта полицейский йәрәхәтләнгән

Башҡортостан Республикаһы буйынса Эске эштәр министрлығының матбуғат хеҙмәте

ӨФӨ, 2018 йыл, 13 сентябрь. /«Башинформ» мәғлүмәт агентлығы, Ксения Калинина/. Башҡортостандың хоҡуҡ һаҡлау органдарына 12 сентябрҙә көндөҙ полицейскийға һөжүм итеүҙәре тураһында хәбәр килгән. Төбәк Тәфтиш комитеты «Хоҡуҡ һаҡлау органы хеҙмәткәренең ғүмеренә ҡул һуҙыу» статьяһы буйынса енәйәт эше ҡуҙғатҡан.

Рәсәй Тәфтиш комитетының Башҡортостан буйынса тәфтиш идаралығының матбуғат хеҙмәтенән хәбәр итеүҙәренсә, был көндә Дүртөйлө ҡалаһы урамдарының береһендә, коллектив гараждар урынлашҡан ерҙә, тәртип һаҡсылары оператив-эҙләү саралары үткәргән.

«Бынан алда полицияға наркотик һатыусыларҙың тыйылған матдәләр менән сауҙа итеү өсөн йәшерен урын эшләүҙәре тураһында хәбәр килгән. Ике оперуполномоченный үҙен шикле тотҡан иргә иғтибар иткән», — тип асыҡлыҡ индерҙеләр Башҡортостан буйынса Эске эштәр министрлығының матбуғат хеҙмәтендә.

Полицейский уның эргәһенә барған һәм үҙе менән таныштырған. Ир ҡасырға маташҡан. Хеҙмәткәр уны ҡыуып еткән, ләкин ир уға бер нисә тапҡыр бысаҡ менән сәнскән. Йәрәхәтләнеүенә ҡарамаҫтан, полицейский һөжүм итеүсене ҡоралһыҙландырған. Полиция хеҙмәткәре район дауаханаһына оҙатылған һәм унда уға тейешле ярҙам күрһәтелгән.

«Полиция хеҙмәткәренең ныҡ ҡаршы тороуына, шулай уҡ ваҡытында квалификациялы медицина ярҙамы күрһәтелеүгә бәйле барыһы ла һәйбәт тамамланған», — тип хәбәр иттеләр Башҡортостан буйынса Тәфтиш комитетынан.

Ғәйепләнеүсе 24 йәшлек Өфө егете булып сыҡҡан. Ул тәфтиш-оператив төркөмгә тапшырылған. Ваҡиға урынында наркотик матдәләр һалынған бәләкәй пакеттар табылған.

«Әле ғәйепләнеүсе ҡулға алынған. Тиҙҙән уға ғәйепләү ҡарары сығарыла, хөкөм сараһы билдәләнә. Тейешле экспертизалар тәғәйенләнгән, ваҡиға сәбәптәрен асыҡлауға йүнәлтелгән оператив-эҙләү һәм тикшереү эштәре алып барыла», — тип аңлатма бирҙеләр Рәсәйҙең Башҡортостан буйынса Тәфтиш комитетында.

http://www.bashinform.ru/news/1210319-v-bashkirii-pri-zaderzhanii-podozrevaemogo-politseyskiy-poluchil-nozhevye-raneniya/

Теги:рәсәйҙең башҡортостан буйынса тәфтиш комитеты башҡортостан буйынса эске эштәр министрлығы наркотиктар

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».