Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Хәл-ваҡиғалар
27 Июль 2018, 17:00

Башҡортостанда 12 кеше һәләк булған реабилитация үҙәгенең элекке хужаһына 12 йылға тиклем иреклектән мәхрүм итеү янай

«Башинформ» мәғлүмәт агентлығы
«Башинформ» мәғлүмәт агентлығы
ӨФӨ, 2018 йыл, 27 июль. /«Башинформ» мәғлүмәт агентлығы, Әлфиә Әғлиуллина/. 12 кеше һәләк булған реабилитация үҙәгенең элекке хужаһына 12 йылға тиклем иреклектән мәхрүм итеү янай. Бөгөн, 27 июлдә, Башҡортостан прокуроры урынбаҫары Виктор Логинов «Булышлыҡ итеү» социаль яраҡлашыу үҙәгендә янғын тураһындағы енәйәт эше буйынса дәүләт ғәйепләүен хупланы. Енәйәттең ауырлығын һәм эҙемтәләрҙе иҫәпкә алып, прокурор урынбаҫары ғәйепләнеүселәргә дөйөм режимдағы холоҡ төҙәтеү колонияһында 12 йылға иреклектән мәхрүм итеү язаһы бирергә тәҡдим итте.
Дәүләт ғәйепләүсеһе шулай уҡ өс йылға реабилитация өлкәһендә хеҙмәттәр күрһәтеү һәм янғын хәүефһеҙлеге ҡағиҙәләрен үтәүҙе тәьмин итеү буйынса контролдә тотоу менән бәйле эшмәкәрлек менән шөғөлләнеүҙе тыйырға тәҡдим итте.
Башҡортостан Прокуратураһының матбуғат хеҙмәте хәбәр итеүенсә, ойошманың элекке ҡушма ойоштороусыһы һәм президенты Рәсәй Федерацияһы Енәйәт кодексының 238 статьяһының 3-сө бүлеге (ҡулланыусыларҙың ғүмере һәм һаулығы именлеге талаптарына яуап бирмәгән хеҙмәттәр күрһәтеү) һәм 219-сы статьяның 3-сө бүлеге (һаҡһыҙлыҡ буйынса ике йәки унан күберәк кешене үлтереүгә килтергән янғын хәүефһеҙлеге ҡағиҙәләрен боҙоу) менән ҡаралған енәйәттәрҙе ҡылыуҙа ғәйепләнә.
Янғын 2016 йылдың мартында ишеге бикле бинала электр сымы төҙөкһөҙ булыу сәбәпле килеп сыҡҡан. Ут тиҙ арала бинаға таралған. Һөҙөмтәлә реабилитация үҙәгенең 12 пациенты, шул иҫәптән ике ҡатын, һөрөм еҫенән ағыуланып үлгән.
Ғәйепләнеүсе енәйәт ҡылыуҙа ғәйебен танымаған.
http://www.bashinform.ru/news/1190703-byvshemu-vladeltse-reabilitatsionnogo-tsentra-gde-pogibli-12-chelovek-grozit-12-let-lisheniya-svobod/
Автор:Әлфиә Әғлиуллина
Читайте нас: