Башҡортостанда балалар лагерында 12 йәшлек малайҙы йәрәхәтләү осрағы буйынса тикшереү бара

ӨФӨ, 2018 йыл, 25 июль. /«Башинформ» мәғлүмәт агентлығы, Наталья Овчарук/. Башҡортостанда төбәк Тәфтиш комитеты 22 июлдә «Фестиваль» балалар сәләмәтләндереү лагерында булған хәл менән ҡыҙыҡһынған. Тикшереү эше уҙғарыла.

«Көндөң икенсе яртыһында бер малай башҡа балалар менән лагерҙың бүлмәһендә булғанда тиҫтерен мыҫҡыллай башлаған. Һуңғыһы, мыҫҡыллауға түҙә алмай, ҡулы менән бер нисә тапҡыр рәнйетеүсегә һуҡҡан, һуңынан, ике ҡатлы карауаттың таянғысында бәүелеп уны аяғы менән этәргән. Һөҙөмтәлә малай башы менән стенаға һуғылған һәм уның ябыҡ формала баш һөйәге мейеһе йәрәхәтләнгән һәм еңелсә баш мейеһе имгәнгән», — тип булған хәлде күҙ алдына килтерҙе тәфтишселәр.

Зыян күреүсене дауаханаға алып киткәндәр, һуңынан өйөнә ҡайтарғандар. Хәҙер ул өйҙә ата-әсәһе эргәһендә. Тикшереү эшенән һуң Башҡортостан буйынса Тәфтиш комитеты эш асыу тураһында ҡарар ҡабул итәсәк.

http://www.bashinform.ru/news/1189453-v-bashkirii-provodyat-dosledstvennuyu-proverku-po-faktu-travmirovaniya-12-letnego-malchika-v-detskom/