91.82
+0.7
Башҡортостан һәм Өфө яңылыҡтары
98.95
+0.64
83.88
+0.3
1+ °C
Ясна
Бөтә яңылыҡтар
Хәл-ваҡиғалар
27 Июнь 2018, 17:13
Башҡортостанда водолаздар өсөнсө көн инде һыуға батҡан көтөүсенең кәүҙәһен эҙләй
«Башинформ» мәғлүмәт агентлығы
ӨФӨ, 2018 йыл, 27 июнь. /«Башинформ» мәғлүмәт агентлығы, Ксения Калинина/.Башҡортостандың Дүртөйлө районында 25 июндә бер кешенең һыу инеүе күңелһеҙ тамамланды. «Башинформ» агентлығына Башҡортостандың Ғәҙәттән тыш хәлдәр буйынса дәүләт комитетының матбуғат секретары Елена Зиннәтуллина һөйләүенсә, 27 йәшлек ир мал көтөп йөрөгән. Төшкө аш мәлендә ул Ағиҙел йылғаһында һыу инергә булған. Балыҡсы уның ҡысҡырған тауышын ишетеү менән шунда уҡ ярҙамға ашыҡҡан. Ул килеп еткәндә ир һыу аҫтына китеп өлгөргән.
«Әлеге мәлдә Башҡортостан Ғәҙәттән тыш хәлдәр буйынса дәүләт комитетының Авария-ҡотҡарыу хеҙмәте водолаздары көтөүсене эҙләүен дауам итә. Ҡотҡарыусылар өсөнсө көн инде 15 саҡрым раудиуста йылғаны тикшерә», — тип асыҡлыҡ индерҙеләр ведомствола.
Водолаздар өсөн ҡыҙыу осор башланды. «Башинформ» агентлығы хәбәр иткәнсә, 25 июндә ҡотҡарыусылар Яңауыл районында Буй йылғаһынан һәм Шишмә районында Дим йылғаһынан ир-егеттәрҙең кәүҙәләрен сығарҙы. 23 июндә Иглин районында бер юлы ике ир-егет һыуға батты.
Дәүләт комитеты мәғлүмәттәре буйынса, иҫерек килеш, рөхсәт ителмәгән урындарҙа һыу инеү, йылға-күлдәрҙә ябай ғына хәүефһеҙлек ҡағиҙәләрен үтәмәү, балаларҙы ҡарауһыҙ ҡалдырыу, шулай уҡ зыян күргәндәргә беренсе ярҙам күрһәтеү тәжрибәһенең булмауы һыуҙағы фажиғәләрҙең төп сәбәптәре булып тора.
«Бәләгә тарымаҫ өсөн белмәгән һәм рөхсәт ителмәгән йылғала һыу инеүҙән тыйылығыҙ. Яңғыҙығыҙ һыу инмәгеҙ. Эскән килеш һыуға төшмәгеҙ. Ярҙан алыҫҡа йөҙөп китмәгеҙ. Һыу буйында балаларҙы ҡарауһыҙ ҡалдырмағыҙ», — тип кәңәш иттеләр ведомствола Башҡортостанда йәшәүселәргә.
http://www.bashinform.ru/news/1179425-v-bashkirii-vodolazy-tretiy-den-ishchut-telo-utonuvshego-pastukha/
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».