Өфөлә ҡот осҡос юл фажиғәһендә йөклө ҡатын һәм сабый йәрәхәтләнгән – видео

ӨФӨ, 2018 йыл, 26 июнь. /«Башинформ» мәғлүмәт агентлығы, Ксения Калинина/. Бөгөн төндә Өфөлә ҡот осҡос юл-транспорт ваҡиғаһы теркәлгән. Зыян күреүселәр бар. «Башинформ» агентлығы хәбәр иткәнсә, Беренсе Май урамы буйлап «Машина эшләүселәр» мәҙәниәт һарайы йүнәлешендә хәрәкәт иткән Daewoo Nexia һул яҡҡа Азатлыҡ урамына борола башлаған. Ошо мәлдә уға Nissan Teana автомобиле килеп бәрелгән. Бәрелешеүҙән сит ил машинаһы (Корея) янып киткән.

Шаһиттар әйтеүенсә, пассажир ҡатын машинала ҡыҫылып ҡалған. Ваҡиға урынына килгән ҡотҡарыусылар уға утлы тоҙаҡтан сығырға ярҙам иткән.

Аныҡланған мәғлүмәт буйынса, автомобиль фажиғәһендә Daewoo Nexia пассажирҙары — йөклө ҡатын һәм уның ике йәшлек улы етди зыян күргән. Водитель төрлө йәрәхәттәр алған. Баланы автокреслонан дауаханаға оҙатыуҙары билдәле. Уның баш һөйәге яраланған. Ҡатынды ла бик ауыр хәлдә дауаханаға алып киткәндәр.

Юл фажиғәһе «Уфанет» компанияһы камераларында теркәлгән.

http://www.bashinform.ru/news/1178547-v-ufe-v-zhutkom-dtp-postradali-beremennaya-zhenshchina-i-rebenok-video/