Өфөлә 17 йәшлек студент ҡыҙ хәбәрһеҙ юғалған

ӨФӨ, 2018 йыл, 5 июнь. /«Башинформ» мәғлүмәт агентлығы, Ксения Калинина/. Өфөлә полиция һәм туғандары Благовещен ҡалаһында тыуып үҫкән 17 йәшлек Диана Ғилмазованы эҙләй. «Башинформ» агентлығына Өфө иҡтисад колледжында белем алған студент ҡыҙҙың туғаны Гөлназ һөйләүенсә, һуңғы тапҡыр Диана 4 июндә бәйләнешкә сыҡҡан, ә кискеһен телефоны һүндерелгән. «Бәйләнештә»ге сәхифәһенә ҡыҙ кисә көндөҙгө сәғәт 4-се 11 минутта ингән. Туғандары борсолоп полицияға ғариза яҙған. Башҡортостан буйынса Эске эштәр министрлығының матбуғат хеҙмәтендә белдереүҙәренсә, уларға Диананың туғандарынан ғариза килгән. Эҙләү саралары дауам итә.

«Колледжда уҡый, дөйөм ятаҡта йәшәй. Беҙ уның өсөн бик борсолабыҙ, Диана яңыраҡ атаһын юғалтты. Ул уны бик һағына. Һуңғы ваҡытта Диана төшөнкөлөккә бирелеп йөрөнө», — тип һөйләне туғаны.

Полиция ҡыҙҙы эҙләй, дуҫтарынан, курсташтарынан һорау ала.

Кисә Диана Instagram селтәренә «Хуш» тигән яҙыу менән аҡлы-ҡаралы фотоһын һалған.

Билдәләре: буйы 160 сантиметр, ҡаҡса кәүҙәле, оҙон һорғолт сәсле.

Ҡара ветровка, зәңгәр джинсы, аҡ кроссовки кейгән.

Уның ҡайҙа икәнлеген белгәндәрҙең барыһын да 8-917-748-01-44 телефоны буйынса (Гөлназ) йәки полицияға хәбәр итеүҙәрен һорайҙар.

http://www.bashinform.ru/news/1169480-v-ufe-propala-bez-vesti-17-letnyaya-studentka/