Республикала билдәһеҙ кеше 18 йәшлек ҡыҙҙы быуып үлтерергә маташҡан — ике ир-егет уны үлемдән ҡотҡарған

ӨФӨ, 2018 йыл, 16 май. /«Башинформ» мәғлүмәт агентлығы, Ксения Калинина /. Белоретта йәшәгән Юрий Носков һәм Павел Боклач тәртип һаҡсыларына енәйәт ҡылыуҙа ғәйепләнгән кешене тотоуҙа ярҙам иткән. Рәсәй Эске эштәр министрлығының Белорет районы буйынса бүлегенән хәбәр итеүҙәренсә, апрель аҙағында Октябрҙең 50 йыллығы урамында урынлашҡан гимназия янында билдәһеҙ ир 18 йәшлек ҡыҙға һөжүм иткән һәм быуып үлтерергә маташҡан.

«Үтеп барыусылар ҡысҡырған тауышты ишетеп, ярҙамға ташланған. Һөжүм итеүсе ҡорбанын ебәргән һәм ваҡиға урынынан ҡасмаҡсы булған, ләкин ирҙәр уны ҡыуып тотҡан. Һуңынан улар ошо хәл тураһында полицияға хәбәр иткән, патруль-пост хеҙмәтенең килгәнен көткән. 23 йәшлек егет тәртип һаҡсылары ҡулына тапшырылған», — тип хәбәр иттеләр ведомствонан.

Рәсәй Эске эштәр министрлығының Белорет районы буйынса бүлеге начальнигы Ришат Баймырҙин полицейскийҙар сафы алдында геройҙарға күрһәткән ҡыйыулығы, әүҙем гражданлыҡ позицияһы өсөн рәхмәт әйтеп һәм уларҙың ҡыйыу аҙымдары менән ҡот осҡос енәйәт ҡылыуға юл ҡуймауын билдәләп, бүләктәр тапшырҙы.

http://www.bashinform.ru/news/1158397-v-bashkirii-na-18-letnyuyu-devushku-napal-dushitel-dvoe-muzhchin-spasli-ee-ot-gibeli/