Башҡортостан дауаханаһында дүрт йәшлек сабый яҡты донъя менән хушлашҡан

ӨФӨ, 2018 йыл, 11 апрель. /«Башинформ» мәғлүмәт агентлығы, Әлфиә Әғлиуллина/. Башҡортостан дауаханаһында дүрт йәшлек сабый вафат булған. Фажиғә 27 мартта уҡ теркәлгән, бала Өфө ҡалаһы дауаханаһында йән биргән. Дүрт йәшлек сабый февралдә Бөрө үҙәк район дауаханаһында тикшереү үткәндән һуң баш ҡала дауаханаһына күсерелгән. Уның баш мейеһе елһенеүе асыҡланған.

Рәсәйҙең Башҡортостан буйынса Тәфтиш комитеты органдары әлеге осраҡ буйынса Рәсәй Федерацияһы Енәйәт кодексының 109-сы статьяһының 2-се бүлегендә ҡаралған енәйәт билдәләре буйынса енәйәт эше ҡуҙғатҡан (үҙенең һөнәри бурыстарын тейешенсә үтәмәү арҡаһында кешене үлемгә дусар итеү).

Әлеге ваҡытта тәфтишселәр малайҙың үлем сәбәптәрен асыҡлай. Комиссия суд-медицина экспертизаһын тәғәйенләү өсөн медицина документацияһы талап ителгән. Шаһиттарҙан һорау алыу, ваҡиға сәбәптәрен асыҡлауға йүнәлтелгән башҡа тикшереү эштәре бара. Тәфтишсе сирлегә медицина ярҙамы күрһәтеү стандарттарын һәм тәртип талаптарын үтәү буйынса дауаханалағы медицина персоналының эш итеүенә юридик баһа бирергә тейеш. Енәйәт эшен тикшереү дауам итә», — тип хәбәр итә Рәсәйҙең Башҡортостан буйынса Тәфтиш комитеты.

http://www.bashinform.ru/news/1142275-v-bashkirii-v-bolnitse-skonchalsya-chetyrekhletniy-rebenok/?nomobile=1