«Башинформ» агентлығы
хәбәр иткәнсә, Нефтекама ҡалаһында һаулыҡ мөмкинлектәре сикле уҡыусылар өсөн коррекция мәктәп-интернатында менингококлы инфекция менән сирләүҙең бер осрағы һәм ике кешелә менингококк асыҡланған. Инфекцияның артабан таралыуына юл ҡуймау өсөн мәғариф учреждениеһында эпидемияға ҡаршы саралар күрелә. Балалар һәм хеҙмәткәрҙәр медицина күҙәтеүе аҫтында. Бәйләнешкә ингән кешеләргә бактерияларға ҡаршы препараттар тәғәйенләнгән, шулай уҡ интернатта күмәк кеше ҡатнашлығындағы саралар ойоштороу сикләнгән.