Республикала хәбәрһеҙ юғалған ғаиләне эҙләйҙәр

ӨФӨ, 2018 йыл, 26 февраль. /«Башинформ» мәғлүмәт агентлығы, Ксения Калинина/. Башҡортостанда хәбәрһеҙ юғалған ғаиләне эҙләйҙәр. Юғалған ҡыҙҙың - 24 йәшлек Ирина Кузякованың егете хафаға ҡалған. Игорь Попов һүҙҙәренсә, Ирина 17 февралдән бәйләнешкә сыҡмай.

«Ул ата-әсәһе менән Ырымбурҙа ине. Атаһы менән бергә әсәһен МРТ үтергә алып барғайны. Улар 17 февралдә көндөҙ, «Ниссан Кашкай» автомобиленә ултырып, Ырымбурҙан Күмертау яғына юлланды. Көндөҙ ул һуңғы тапҡыр шылтыратып, юлға сығыуҙарын хәбәр итте. Мин уның ата-әсәһе менән бәйләнешкә инергә тырыштым, ләкин һөҙөмтә юҡ. «Тиҙ ярҙамға», полицияға һәм Ғәҙәттән тыш хәлдәр министрлығына шылтыраттым. Бер кем дә улар хаҡында ишетмәгән. Бәлки, кемдер трассала ниндәйҙер аварияны йәки ҡайҙалыр ошо ҡыҙҙы күргәндер (фотола – автор иҫкәрмәһе), миңә яҙығыҙ», — тип мөрәжәғәт итте социаль селтәрҙә Игорь.

Уның әйтеүенсә, ҡыҙ әлегәсә бәйләнешкә сыҡмаған — телефоны яуап бирмәй, «Бәйләнештә»ге сәхифәһе юйылған.

http://www.bashinform.ru/news/1121571-v-bashkirii-razyskivayutsya-propavshie-bez-vesti-roditeli-s-docheryu/